Chapter 3 - On the Manifold Births

krūragrahaiḥ subalibhirvibalaiśca saumyaiḥ klībe catuṣṭayagate tadavekṣaṇād vā |
candropaga dvi rasa bhāga sa mānarūpaṃ satvaṃ vaded yadi bhavet sa viyoni saṃjñaḥ || 1||
[Analyze grammar]

pāpā balinaḥ sva bhāgagāḥ pārakye vibalāśca śobhanāḥ |
lagnaṃ ca viyoni saṃjñakaṃ dṛṣṭvātrāpi viyonim ādiśet || 2||
[Analyze grammar]

kriyaḥ śiro vakragale vṛṣo'nye pādāṃśakaṃ pṛṣṭham uro'tha pārśve |
kukṣistvapānāṅghryātha meḍhramuṣkau sphik puccham ityāha catuṣpadāṅge || 3||
[Analyze grammar]

lagnāṃśakād grahayogekṣaṇād vā varṇān vaded balayuktādviyonau |
dṛṣṭyā sa mānān pravadet sva saṃkhyayārekhāṃ vadet smara saṃsthaiśca pṛṣṭhe || 4 ||
[Analyze grammar]

khage dṛkāṇe balasaṃyutena vā graheṇayukte carabhāṃśakodaye |
budhāṃśake vā vihagāḥ sthalāṃbujāḥ śanaiścarendvīkṣaṇayoga saṃbhavāḥ || 5||
[Analyze grammar]

horendusūriravibhirvibalaistarūṇāṃ toye sthale tarubhavāṃśakṛtaḥ prabhedaḥ |
lagnād grahaḥ sthalajalaṛkṣapatistu yāvāṃstāvantaiva taravaḥ sthala toya jātāḥ || 6||
[Analyze grammar]

antaḥ sārāñ janayati ravirdurbhagān sūrya sūnuḥ kṣīropetāṃstuhina kiraṇaḥ kaṇṭakāḍhyāṃśca bhaumaḥ |
vāg īśa jñau sa phala viphalān puṣpa vṛkṣāṃśca śukraḥ snigdhān induḥ kaṭuka viṭapān bhūmi putraśca bhūyaḥ || 7 ||
[Analyze grammar]

śubho'śubhaṛkṣe ruciraṃ kubhūmijaṃ karoti vṛkṣaṃ viparītam anyathā parāṃśake yāvati vicyutaḥ svakād bhavanti tulyāstaravastathā vidhāḥ || 8 ||
[Analyze grammar]